اسرائیلی ٹی وی چینل نے مریم نواز کی ٹویٹ پر رپورٹ نشر کر دی

اسرائیلی ٹی وی چینل آئی 24 نے گزشتہ روز مریم نواز کی جانب سے شیئر کرکے ڈیلیٹ کیے جانے والا ویڈیو کلپ جاری کردیا ہے۔
تفصیلات کے مطابق گزشتہ روز مریم نواز کو ایک بار پھر اس وقت خفت کا سامنا کرنا پڑا جب انہوں نے ایک ویڈیو کو پورا دیکھے بغیر شیئر کردیا، یہ ویڈیو اسرائیلی ٹی وی چینل کو دیئے گئے نور داہری کے انٹرویو کی تھی جس میں وہ وزیراعظم عمران خان کے ایک معاون خصوصی کے مبینہ اسرائیلی دورے سے متعلق گفتگو کررہے تھے۔

.@MaryamNSharif, daughter of former Pakistani PM Nawaz Sharif, retweeted (and deleted) an i24NEWS interview with @dahrinoor2, Executive Director of @ITCTofficial in which he claims Nawaz Sharif as PM sent delegations to Israel to normalize relations – @davidmatlin has more: pic.twitter.com/r042p5md2v

— i24NEWS English (@i24NEWS_EN) December 17, 2020

مریم نواز چونکہ اس ٹویٹ سے قبل بھی اسرائیلی میڈیا کے اس جھوٹےپراپیگنڈے کو اپنے ٹویٹر پر ری ٹویٹ کرچکی تھی انہوں نے یہ ویڈیو کلپ بھی شروع کے چند سیکنڈز دیکھ کر پوسٹ کردیا مگر جیسے ہی اس پوسٹ پر ری ایکشنز آنا شروع ہوئے اور وزیراعظم عمران خان کے دیجیٹل میڈیا پر فوکل پرسن ارسلان خالد نے بھی اس پر ردعمل دیتے ہوئے کہا کہ مریم اب اس ٹویٹ کو ڈیلیٹ مت کیجئے گا ، مریم نواز کی جانب سے یہ ٹویٹ ڈیلیٹ کردی گئی۔

اسی اسرائیلی ٹی وی چینل آئی 24 نے اپنے ایک پروگرام میں اس ساری صورتحال پر بات کی اور دوبارہ سے وہ ویڈیو کلپ نشر کیا جو مریم نواز نے شیئر کیا تھا، اس ویڈیو کے پہلے حصے میں نور داہری عمران خان کے معاون خصوصی کے مبینہ دورے سے متعلق بات کررہے تھے جبکہ دوسرے حصے میں ان کا کہنا تھا کہ آج جو اپوزیشن جماعتیں عمران خان کی حکومت کے خلاف اسرائیل کارڈ کھیل رہی ہیں انہیں کی حکومتوں میں بھی اسرائیل کے ساتھ تعلقات کی بحالی کیلئے مزاکرات کیے جاتے رہے ہیں۔
مریم نواز شریف نے ٹویٹر پر ایک اسرائیلی اخبار کی وزیراعظم عمران خان کے معاون خصوصی کے اسرائیل دورے سے متعلق جھوٹی رپورٹ نا صر ف شیئر کی تھی بلکہ ایک ٹویٹ کی جس میں انہوں نے اسرائیلی ٹیلی ویژن آئی 24 کو دیئے گئے نور داہری کے مختصر انٹرویو کا ایک کلپ شیئر کیا اور نورداہری کی ٹویٹ میں لکھی گئی لائن کو کاپی پیسٹ کردیا تھا، مگر بعد میں انہیں وہ ٹویٹ ڈیلیٹ کرنا پڑگئی۔