جسٹس (ر) وجیہہ الدین کے حوالے سے وزیر اعظم کی اہم ہدایت


اسلام آباد: وزیر اعظم عمران خان نے وزرا کو جسٹس (ر ) وجیہہ الدین کے بیانات پر رد عمل سے روک دیا ہے۔

ذرائع کے مطابق آج پارٹی ترجمانوں کے اجلاس میں جسٹس (ر) وجیہ الدین احمد کے عمران خان کے خلاف الزامات پر بھی گفتگو کی گئی۔

اجلاس میں وزیر اعظم نے کہا اپوزیشن کی کرپشن پر کوئی بات نہیں کرتا، جب کہ جسٹس (ر) وجیہہ الدین کے بیانات کو میڈیا نے بہت اچھالا۔ انھوں نے کہا اپوزیشن جماعتوں کے لیڈرز نے ملکی خزانہ لوٹا ہے، اس پر زیادہ بات ہونی چاہیے۔

وزیر اعظم نے وزرا کو مزید بیانات دینے سے روکتے ہوئے ہدایت کی کہ میرے لاکھوں کے اخراجات نہیں ہیں، ایسی باتوں پر بات کرنے پر وقت ضائع نہ کریں۔