روی چندرن ایشون نے بابر اعظم کو ملین ڈالر کرکٹر قرار دے دیا

0
38


کراچی(ویب ڈیسک) روی چندرن ایشون نے بابر اعظم کا ملین ڈالر کرکٹر قرار دے دیا۔ایکسپریس نیوز کے مطابق یو ٹیوب پر انضمام الحق سے گفتگو میں بھارتی اسپنر نے کہاکہ نوجوان بیٹسمین کو ایکشن میں دیکھنا ایک خوشگوار تجربہ ہوتا ہے جس سے میں بھرپور انداز میں لطف اندوز ہوتا ہوں، بابر نے آسٹریلیا میں سنچری بنائی،وہ ملین ڈالر کرکٹر ہیں۔

انضمام الحق نے کہا کہ بابر اعظم ایک بہترین کھلاڑی اور اس سے بھی بہتر کارکردگی دکھانے کی صلاحیت رکھتے ہیں،کوئی بھی بیٹسمین 7یا 8سال میں عروج پر پہنچتا ہے، بابر نے صرف 5سال انٹرنیشنل کرکٹ کھیلی،اس کا مطلب یہ ہوا کہ انھیں ابھی مزید بلندیوں کو چھونا ہے۔