عمران خان کی ٹیکس کوڈ آسان بنانے کی ہدایت


وزیراعظم عمران خان نے ٹیکس نظام کی خامیاں دور کرکے ٹیکس کوڈ آسان بنانے کی ہدایت کی ہے۔

عمران خان نے ٹیکس اصلاحات سے متعلق اجلاس میں گفتگو کرتے ہوئے کہا کہ ٹیکس کلیکٹرز اور افسران کے صوابدیدی اختیارات کو کم سے کم کیا جائے۔

وزیراعظم نے کہا کہ ٹیکس نظام میں شفافیت کے لیے خودکار نظام متعارف کرانے کی ضرورت ہے۔

اجلاس میں وزیر اعظم نے معاشی ٹیم کو فلائنگ انوائسز کا مسلئہ جلد حل کرنے کی ہدایت کرتے ہوئے کہا کہ ٹیکس نظام ایسا ہو جس سے کاروبار کو سہولت اور معیشت کو ترقی ملے۔