مشفیق الرحیم اپنی ہی ٹیم کے باﺅلر پر بھڑک اٹھے، کیا اشارے کرتے رہے؟ ویڈیو وائرل ہو گئی


ڈھاکہ  ڈومیسٹک ٹی 20 ایونٹ کے دوران بنگلہ دیشی وکٹ کیپر بیٹسمین مشفیق الرحیم اپنے ہی ساتھی کھلاڑی پر بھڑک اٹھے اور ان کو گیند مارنے کا اشارہ بھی کیا۔

تفصیلات کے مطابق ڈھاکہ کے کپتان مشفیق الرحیم ٹیم میٹ نسیم احمد پر 2 مرتبہ برہم ہوئے، ایک بار جب لیفٹ آرم سپنر کو حریف سائیڈ بریشل کے بیٹسمین عفیف حسین نے چھکا جڑا اور اگلی گیند پر سنگل لیا، گیند کو روکنے کیلئے مشفیق اور نسیم دونوں ہی دوڑے اور آپس میں ٹکرا گئے، تب مشفیق نے غصے میں آ کر اپنے سے لمبے باﺅلر کو مکا جڑنے کا اشارہ کیا۔

دوسرا واقعہ 17 ویں اوور میں ہوا جب شفیق کی گیند پر عفیف کی ٹاپ ایج پر نسیم شارٹ فائن لیگ پوزیشن سے کیچ تھامنے کیلئے دوڑے، دوسری جانب مشفیق بھی بھاگے اور ان کو دور رہنے کا اشارہ کیا مگر وہ اسی سمت دوڑتے گئے۔

اگرچہ وہ اس بار مشفیق سے ٹکرائے نہیں جنہوں نے کیچ تو تھام لیا مگر غصے میں گیند ان کو مارنے کا اشارہ کیا، ان کے غصے کی تصاویر سوشل میڈیا پر وائرل ہوچکی ہیں۔