مظفرآباد میں کورونا پھیلنے کی شرح 40 فیصد پر پہنچ گئی


اسلام آباد : ملک بھر میں کورونا کے وار جاری ہے ، مظفر آباد میں ٹیسٹ مثبت آنے کی شرح چالیس فیصد ہوگئی جبکہ اسلام آباد میں 7.98فیصد اور لاہورمیں 8.81 فیصد رہی۔

تفصیلات کے مطابق ملک میں بڑے شہروں میں کورونا کی شرح کے اعدادو شمار جاری کردیئے گئے ، جس میں بتایا گیا کہ کورونا کیسز کی قومی شرح 7.45 فیصد پر آگئی جبکہ کورونا کی بلند ترین20.62 فیصد شرح آزاد کشمیر میں ریکارڈ کی گئی اور مظفر آباد میں شرح 40.32 پر پہنچ گئی۔

ذرائع نے کہا کہ کراچی میں کورونا کی یومیہ شرح 11.15، حیدرآباد16.30فیصد ، اسلام آباد میں 7.98فیصد اور راولپنڈی میں شرح6.17فیصدریکارڈ کی گئی۔

ذرائع کے مطابق 24 گھنٹوں کے دوران لاہورمیں کوروناکی شرح8.81فیصد ، بہاولپورمیں شرح5.46، گجرات 7.63،ملتان11.33فیصد ، سرگودھامیں یومیہ کوروناشرح7.64،فیصل آباد2.72فیصد رہی۔

کوئٹہ میں کوروناکیسزکی یومیہ شرح12.70 فیصد ، مردان میں 20.14،ایبٹ آباد میں 8.37فیصد ، صوابی میں 4.91، بنوں میں 2.55فیصدریکارڈ کی گئی۔

گلگت،دیامر،اسکردومیں کوروناکی یومیہ شرح صفر جبکہ میرپور آزادکشمیرمیں کوروناکی یومیہ شرح 15.23 فیصدرہی۔