ملک بھر میں بجلی کا شارٹ فال 6 ہزار439 میگا واٹ ہوگیا


اسلام آباد : ملک بھر میں بجلی کا شارٹ فال 6 ہزار 439 میگا واٹ تک پہنچ گیا، ملک کے مختلف حصوں میں لوڈ شیڈنگ کا دورانیہ مزید بڑھا دیا گیا۔

ذرائع پاور ڈویژن کے مطابق ملک میں بجلی کی پیداوار 24 ہزار 900 میگا واٹ جبکہ طلب 28 ہزار میگا واٹ ہے، بجلی کی مجموعی پیداوار18ہزار461میگاواٹ ہے۔

ذرائع کا کہنا ہے کہ آبی وسائل سے بجلی کی پیداوار6ہزار700میگا واٹ ہے، آئی پی پیز کی بجلی کی پیداوار 7ہزار500میگا واٹ ہے۔

اس کے علاوہ نیوکلیئر پاور پلانٹس سے دو ہزار425میگا واٹ بجلی پیدا ہورہی ہے، سرکاری تھرمل پلانٹس سے830میگا واٹ بجلی پیدا کررہے ہیںْ

ذرائع کا کہنا ہے کہ ونڈ پاور پلانٹس 786میگاواٹ اور سولر پلانٹس سے بجلی کی پیداوار145ہے، بیگاس پاور پلانٹس 75میگاواٹ بجلی پیدا کررہے ہیں، ملک کے مختلف علاقوں میں8سے10گھنٹے تک بجلی کی لوڈشیڈنگ کی جا رہی ہے۔