وزیراعظم عمران خان آج’’کوئی بھوکا نہیں سوئے گا‘‘ پروگرام کا آغاز کریں گے


اسلام آباد : وزیراعظم عمران خان آج’’کوئی بھوکا نہیں سوئے گا‘‘ پروگرام کا آغاز کریں گے ، پروگرام کے تحت شاہراؤں اور چوراہوں پر غریبوں کو کھانے کی سہولت فراہم ہوگی۔

تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ ریاست مدینہ کی جانب ایک اور اہم قدم کرتے ہوئے وزیر اعظم عمران خان آج’’کوئی بھوکا نہیں سوئے گا‘‘پروگرام کا آغاز کریں گے، وزیراعظم نےسال کے آغاز پراس پروگرام کےعزم کا اظہار کیا تھا، اب اس پروگرام کا باقاعدہ آغاز کیا جا رہا ہے۔

فیصل جاوید کا کہنا تھا کہ اس پروگرام میں موبائل وین سے بھی خدمات لیں جائیں گی، شاہراؤں،چوراہوں پرغریبوں کوکھانے کی سہولت فراہم ہوگی اور وقت کیساتھ ساتھ اس پروگرام کادائرہ کارپورےملک تک پھیلایاجائے گا۔ یاد رہے رواں سال کے آغاز میں وزیراعظم عمران خان نے احساس پروگرام کے اندرنیا پروگرام “کوئی پاکستانی بھوکا نہ سوئے” شروع کرنے کا اعلان کرتے ہوئے کہا تھا اس پروگرام میں قوم،این جی اوز کوشامل کریں گے، 2021ترقی کا سال ہے، پاکستان درست سمت میں جارہا ہے۔