وزیراعظم عمران خان نے چینی کی قیمتوں میں کتنے روپے کمی کا دعویٰ کیا؟

وزیراعظم عمران خان نے ملک میں چینی کی قیمتوں میں کمی پر خوشی کا اظہار کردیا، ٹوئٹر پیغام میں کہا کہ چینی کی قیمتوں کو نیچے لانے پراپنی معاشی ٹیم کومبارکباد پیش کرتا ہوں۔

وزیراعظم نے ٹویٹ میں خوشی کا اظہار کرتے ہوئے لکھا کہ ایک ماہ پہلے چینی 102 روپے فی کلو فروخت ہورہی تھی، ملک بھر میں چینی اوسطاً 81 روپے فی کلو گرام میں فروخت ہورہی ہے، چینی کی قیمتوں کو نیچے لانے پر معاشی ٹیم کو بہت بہت مبارکباد۔

MashaAllah Sugar is selling at a national average of Rs 81 per kg vs Rs102 per kg a month back. I want to congratulate my team for bringing the sugar prices down through a multi pronged strategy.

— Imran Khan (@ImranKhanPTI) December 12, 2020

اس سے قبل وفاقی وزیر منصوبہ بندی اسد عمر نے بھی ٹوئٹ میں بتایا تھا کہ گزشتہ ایک ماہ میں ملک میں چینی کی اوسط قیمت میں 31 روپے فی کلو کمی ہوئی ہے، جب بگڑا ہوا نظام بدلنے کی کوشش ہوتی ہے تو اس نظام سے مستفید ہونے والے مزاحمت کرتے ہیں اور اگر وہ طاقتور لوگ ہوں تو مزاحمت زیادہ ہوتی ہے لیکن اگر حکومت نیک نیت اور باہمت ہو تو آخر کار کامیاب ہوتی ہے۔

گزشتہ حکومت میں چینی کی قیمت 57 روپے فی کلو سے کم تھی تاہم گزشتہ برس اس کی قیمت 120 روپے بھی کلو تک بھی جاپہنچی تھی۔