ٹیکسٹائل سیکٹر کیلئے ايک ارب 78کروڑ روپے جاری

وزارت تجارت نے ٹیکسٹائل سیکٹر کی بہتری کے لیے ايک ارب 78 کروڑ روپے جاری کر دیے۔

مشير تجارت عبدالرزاق داؤد نے اپنی ٹویٹ میں بتایا کہ فنڈز مقامی ٹیکسز اور لیوی کی ڈیوٹی ڈرا بیک اسکیم کے تحت فراہم کیے گئے۔

عبدالرزاق داؤد نے بتایا کہ اس اقدام سے برآمد کنندگان کے لیے رقم کا مسئلہ حل ہوگا اور برآمد کنندگان برآمدات میں اضافہ کر سکیں گے۔

مشیر تجارت کے مطابق نان ٹیکسٹائل سیکٹر کے لیے ڈیوٹی ڈرا بیک فنڈز بھی جلد جاری کریں گے۔