پی ڈی ایم کو بیرون ملک کے فنڈنگ شواہدملے ہیں ، شیریں مزاری کا انکشاف

پی ڈی ایم کو بیرون ملک سے فنڈنگ مل رہی ہے، وفاقی وزیر کا انکشاف

اپوزیشن جماعتوں کے اتحاد پاکستان ڈیموکریٹک موومنٹ کے حوالے سے وفاقی وزیر انسانی حقوق ڈاکٹر شیریں مزاری نے اپنے ایک انٹرویو میں انکشاف کیا ہے کہ ان کو خبر ملی ہے کہ پی ڈی ایم کو سیاسی عدم استحکام پیدا کرنے کے لیے بیرون ملک سے فنڈنگ مل رہی ہے۔

وفاقی وزیر نے کہا کہ اطلاعات ہیں کہ اس فنڈنگ کے ٹھوس ثبوت بھی موجود ہیں اگر تحقیقات پر یہ سب سچ نکلے تو حکومت کے پاس کارروائی کے علاوہ کوئی چارہ موجود نہیں ہوگا۔ انہوں نے اس حوالے سے پی ڈی ایم کے خلاف کارروائی کرنے کا عندیہ بھی دے دیا۔

Human Rights minister @ShireenMazari1 claims #PDM is receiving foreign funding @Dawn_News pic.twitter.com/0n6oLjpwGg

— Mubashir Zaidi (@Xadeejournalist) December 9, 2020

وزیر برائے انسانی حقوق شیریں مزاری نے کہا کہ یہ فنڈنگ کہاں سے آ رہی ہے اور کون کر رہا ہے اس پر تحقیقات کرنا تو وزارت داخلہ کا کام ہے مگر ابھی تک کابینہ میں یہ اطلاعات موصول ہوئی ہیں کہ فنڈنگ ہو رہی ہے۔

انہوں نے کہا کہ ہر کوئی جانتا ہے کہ بیرون ملک بیٹھے پاکستان مخالف گروہ ایسے کام کرتے رہتے ہیں مگر ہمارے ملک کے لوگوں کا ان کا آلہ کار نہیں بننے دیا جائے گا۔ کیونکہ صاف ظاہر ہے کہ اس طرح کے جلسے کرنے کے لیے اخراجات کی ضرورت تو رہتی ہے اور یہ سب پیسہ باہر سے آ رہا ہے۔