فرانس کے بعد بلجیم اور ہالینڈ میں بھی مظاہرے پھوٹ پڑے،پولیس کا آنسو گیس اور واٹر کینن کا بے دریغ استعمال،پورے یورپ میں کھلبلی مچ گئی

بلجیم (این این آئی)فرانس کے بعد بلجیم اور ہالینڈ میں بھی یلو ویسٹ کے احتجاجی مظاہرے پھوٹ پڑے جس میں انہوں نے بلجیم کے وزیراعظم چارلیس مائیکل سے استعفیٰ کا مطالبہ کردیا۔میڈیا رپورٹ کیم طابق پولیس نے مظاہرین کو منتشر کرنے کے لیے آنسو گیس اور واٹر کینن کا بے دریغ استعمال کیا۔برسلز میں مظاہرین کی جانب سے چارلیس مائیکل کے آفس، پارلیمنٹ ہاؤس، حکومتی مراکز کی حدود بندی میں داخلے کی کوشش کی گئی جسے پولیس نے ناکام بنادی۔برسلز پولیس کے ترجمان ایلس وین دی نے بتایا کہ تقریباً 400 افراد نے احجاجی مظاہرے میں شرکت کی۔انہوں نے بتایا کہ

تقریباً 100 مظاہرین کو گرفتار کرلیا گیا اور ان کے قبضے سے فائرورکز اور کپڑے برآمد ہوئے جو پولیس سے چھڑپ کے دوران ممکنہ طو رپر استعمال کیے جانے تھے اس حوالے سے کہا گیا کہ مظاہرین کی جانب سے مطالبے کے اسباب کا ٹھیک اندازہ نہیں ہوسکا کیونکہ بلجیم سمیت نیدرلینڈ حکومتوں نے پیٹرولیم مصنوعات کی قیمتوں پر کوئی اضافہ نہیں کیا۔