رواں ماہ پاکستان میں پہلی بار بچوں کے جگر کی پیوند کاری ہوگی، چیف جسٹس کی قوم کو خوشخبری

0
948

پاکستان میں بچوں کی جگر کی پیوند کاری نہ ہونے کے معاملے پر چیف جسٹس نے قوم کو خوشخبری سنائی ہے کہ رواں ماہ کے آخر میں پاکستان میں پہلی بار جگر کی پیوند کاری ہونے جارہی ہے۔

پاکستان میں بچوں کی جگر کی پیوند کاری نہ ہونے کے معاملے کے از خود نوٹس کیس کی سماعت چیف جسٹس کی سربراہی میں 2 رکنی بینچ نے سپریم کورٹ لاہور رجسٹری میں کی۔ چیف جسٹس نے قوم کو خوشخبری سناتے ہوئے بتایا کہ پاکستان میں اسی ماہ کے آخر میں بچوں کے جگر کی پیوند کاری کا پہلا آپریشن ہونے جا رہا ہے۔انہوں نے کہا کہ جگر کی پیوند کاری کیلئے انڈیا جانا پڑتا ہے اور وہاں کا ویزہ بھی نہیں ملتا چلڈرن ہسپتال میں جگر کے مرض میں مبتلا بچوں کی لمبی فہرست موجود ہے۔ جذبے سے کام کرنے والے 2 ڈاکٹرز پاکستان تشریف لائے ہیں دونوں ڈاکٹرز پی کے ایل آئی میں بچوں کے جگر کی پہلی پیوند کاری کریں گے۔

LEAVE A REPLY