خادم رضوی کی گرفتاری،پاک فوج میدان میں آگئی ، ڈی جی آئی ایس پی آر نے کیا بات ٹوئٹ کردی؟

اسلام آباد(مانیٹرنگ ڈیسک)علامہ خادم رضوی کی گرفتاری کے بعد ڈی جی آئی ایس پی آر نے ایک ٹویٹ کیا ہے جس میں انہوں نے لوگوں کو براہ راست مخاطب کیے بغیر بہت سی باتیں بیان کردی ہیں۔تفصیلات کے مطابق علامہ خادم حسین رضوی کو جمعہ اور ہفتہ کی درمیانی شب لاہور کے علاقے ہنجروال سے ان کے حجرے سے گرفتار کیا گیا تھا ۔ خادم رضوی کی گرفتاری کے بعد ڈی جی آئی ایس پی آر نے قرآن پاک کی ایک آیت ٹویٹ کی جس کا ترجمہ یوں ہے۔” اور جب ان سے کہا جاتا ہے کہ زمین میں فساد نہ

کرو تو جواب دیتے ہیں کہ ہم تو صرف اصلاح کرنے والے ہیں“۔ڈی جی آئی ایس پی آر میجر جنرل آصف غفور نے ایک اور ٹویٹ کی جس میں انہوں نے ختمِ نبوتؐ پر ایمان کو اسلام کا لازمی جزو قرار دیا۔ انہوں نے لکھا ” پاکستان ایک مسلمان ریاست ہے۔ کوئی بھی مسلمان پیارے نبی حضرت محمدؐ کی ختم نبوتؐ اور عزت و وقار پر سمجھوتہ نہیں کرسکتا“۔