موسمِ سرما میں پاکستان کے دل موہ لینے والے مقامات

ٹھنڈی صبح٬ سڑکوں پر دھند کا راج اور خشک میوہ جات جی ہاں یہی وہ موسم ہے جس کا ہر شخص پورے سال بےصبری سے انتظار کرتا ہے یعنی سردی کا موسم- اس موسم میں جہاں کمبل سے نکلنے کو دل نہیں کرتا وہیں پاکستان کے چند خوبصورت مقامات اپنا گھر بار چھوڑ کر سیر و تفریح کو مجبور کر ڈالتے ہیں- کچھ ایسے ہی حسین اور خوبصورت مقامات کا ذکر ہم اس آرٹیکل میں کر رہے ہیں جہاں موسمِ سرما میں جانا ہمیشہ کے لیے یادگار بن جاتا ہے-

برف سے ڈھکا لواری پاس

لواری پاس سردیوں کے موسم میں برف سے ڈھکا رہتا ہے- برفباری ہونے کی وجہ سے یہ اس قدر خوبصورت لگتا ہے کہ سیاحوں کی ایک بڑی تعداد اس مقام کی سیر کو ضرور جاتی ہے- لواری پاس خیبر پختونخواہ میں واقع ہے اور چترال کو دیر سے منسلک کرتا ہے-

حسین و جمیل کشمیر

کشمیر دنیا کی چھوٹی سی جنت ہے٬ موسمِ سرما میں کشمیر کا حسن دوبالا ہوجاتا ہے- ٹھنڈی ہوائیں٬ خوبصورت چشمے٬ برف کی چادر اوڑھے پہاڑ کشمیر کو موسمِ سرما کی سیر کے حوالے سے ایک بہترین مقام بناتے ہیں-

نانگا پربت کی حسین پہاڑ

ہل اسٹیشن جانے کا شوق رکھنے والے افراد کے لیے نانگا پربت کسی جنت سے کم نہیں- یہ ایک بہترین مقام ہے جہاں آپ ہائیکنگ کرسکتے ہیں- اور خوبصورت تصاویر کے حصول کے لیے بھی نانگا پربت کو بہت پسند کیا جاتا ہے-

سوات کی خوبصورت وادیاں

وادی سوات کے حسین مناظر ہر کسی کا دل موہ لیتے ہیں- سردیوں کے موسم میں سیر و تفریح کے لیے سوات ایک بہترین انتخاب ثابت ہوتا ہے- سوات میں واقع مالم جبہ پاکستان کا واحد ایسا مقام ہے جہاں اسکیئنگ سے لطف اندوز ہوا جاسکتا ہے- سیاحت کے حوالے سے سوات پاکستان کے بہترین مقامات میں سے ایک ہے-

پیر سوہاوہ

مارگلہ کی پہاڑیوں پر واقع اس ریزورٹ سے پاکستان کے دارالحکومت کا پرکشش نظارہ کیا جاسکتا ہے- سردیوں کے موسم میں یہاں بھی سیاحوں کا جمِ غفیر رہتا ہے- یہ بھی ایک ایسا حسین و جمیل مقام ہے جو بڑی تعداد میں سیاحوں کو اپنی جانب متوجہ کرتا ہے-